Në një takim që Basha ka mbajtur sot me kryetarët e degëve të Partisë Demokatike, është diskutuar edhe përshkallëzimi i protestës në pika të ndryshme të vendit.
Vendimi nuk është marrë akoma, por kreu i opozitës Lulzim Basha e diskutoi përhapjen e protestës në disa pika të ndryshme të vendit, në një takim me kryetarët e degëve të Partisë Demokatike.
Drejtuesit demokratë nuk përcaktuan një datë se kur do të mund të nisin protestat në rrethe, por parashikohet që përshkallëzimi i qëndrimit të opozitës të nisë në ditët e ardhshme, ditë të cilat përkojnë me nisjen e negocimit ndërkombëtar pasi vendin tonë pritet ta vizitojë David McAllister, i dërguari i kancelares Merkel.
Mediat kanë thënë se njëri nga opsionet është bllokimi i disa akseve kombëtare, por mbledhja nuk mori vendim se cilët do të jenë këto akse dhe kur do të bllokohen.